网易散文网

基督徒逆境手册

基督徒逆境手册

(《出埃及记》剧照)

好多基督徒顺境时就对神充满信心,逆境时就离弃神,所以我想分享下基督徒应如何面对逆境。要係逆境中站立得稳,首先要对神有稳固嘅信心以及认识。

1. 神的(恩惠)与众人同在(马太福音 1:23) / (哥林多后书 13:14)
2. 所有事皆有神的参与 / 神的美意。

当你相信上述两点,即代表你明白天灾人祸都係上帝的旨意,即使我们受苦,都应该在苦难中感恩,因为神的意念高于人(以赛亚书 55:8-9),我们只是不明白而已,但都应当顺服。

因天灾人祸受伤、死亡的,应当称谢耶和华,因耶和华本为善(诗篇 136:1);而兇手成功杀人就是全靠上帝加能赐力。因为人本身是软弱,而在神里面则没有难成的事。(耶利米书32:17)係呢个意义下,杀人兇手係上帝重用的器皿,所以基督徒要明白,即使兇手杀害左自己身边嘅人,佢都唔应该係你嘅仇人,所以根本谈不上宽恕。

幻想兇手是你自己,你係杀人前一刻有两个选择﹕杀与唔杀,虽然十戒中清楚写明「不准杀人」(申命记 5:17),但试想想,若你杀左人,难度神没有参与其中吗?杀人事件本身就有上帝嘅美意,所以基督徒唔洗担心做左上帝唔钟意嘅事,因为只要你做得出,就有佢嘅美意。

读到呢度,可能令你有想做杀人兇手嘅冲动,但千祈唔好冲动,其实被害都係恩典。《约伯记》中,约伯係个义人,但神令约伯冇晒钱、老婆走佬、全身有皮肤病,目的就係向撤但证明约伯信神唔係因为有好处。所以,当基督徒面对难关,例如亲人过身、老婆畀绿帽你戴、仔女自杀,都应该常存感恩之心,因为係上帝对你有信心,先畀难关你。

如果你係旁观者,例如从新闻得知港铁有人纵火,首先你要祈祷感谢神,因为神有权柄,冇上帝就唔成事,所有事当中亦有上帝嘅恩典。跟住,你应该感谢神保守带领你,令你冇受伤。

咦?!头先话受害要感谢神,而家冇受害又感谢神?係咪有矛盾呀?

唔係矛盾,正如一直强调,所有事当中都有神嘅心思,所以无论结果如何,我地都应该要感谢神。

最后,记住一点,即使杀人放火金腰带,修桥补路无尸骸,神始终係公义嘅,因为圣经话呢个係真理。(约翰福音 14:6)